من طرف السلام عليكم
كانت عائلتا أبوسعود وأبورعد عايشين براحة وأمان تام ثم تزج الأبناء والبنات لأبناء وبنات عموميتهم وجاءت ليلة العرس التي الكل إنتظرها وكانت الأجواء كلها رائعة إلى أن تعرض أبوسعود وأبورعد لحادث مروري أدى للوفاة وهانحن نستكمل ماحدث لهم بعد وفاة أبوهم وعمهم
بعد مرور شهرين على وفاة أبوسعود وأبورعد
عزوز جالس على شاطئ البحر وهو يتأمل فيه يقول له رؤوف: مالك ياأخويا قاعد كده مبلم متقوم زهقتني جايبنا هنا وباصص في الميه وتاركني متيله ياواد.
فيقوم عزوز ويصعدون السيارة ويذهبون.
ياسر يقول لأحمد: البيت فضى علينا مابقى حد من خواتي سافروا وماأظنهم يرجعوا.
أحمد:يله عقبال مانتزوج أحنا بعد.
ياسر: أقول ياخبير الكورة شاهدت آخر مباراة لريال مدريد.
أحمد: أي مباراة؟
ياسر: ماأدري الشباب يقولون مباراة كانت قوية وحماسية.
أحمد: ايه مباراة اليوفي والريال كانت حلوة وأستحقوا الفوز اليوفي.
ياسر: إلا وين عمك رشيد مومبين اليوم.
أحمد:من يوم ماأخذ راحيل اللبنانيه ماقمنا نشوفه.
ياسر:يعني قبل كنا نشوفه مقضي حياته بالسفر.
تدخل راحيل على زوجها رشيد وبيدها صحن فواكه وتقول: شوبيك لهلا ماأمت يله أوم صحصح واتنشط يله جايبت لك فواكي حلوي كتير.
رشيد: البارحة مانمت غبر الله هالقنوات ماتحلى برامجهم إلا نص الليل.
راحيل: ماعلينا رش رش شو بدي أول شوبدي أول ايوه تزكرت شورايك نروح كم يوم سياحة كلياتنا بالبحرين.
رشيد: مومشكلة نروح وبعدين بقول لأولاد أخوي عن كل شي.
عزوز يقول لمحمد: وينها رباب راحت إجازة وتركت البيت وصار كله على راس مرت عمي.
محمد: وأنت مهتم لأجل مرت عمك ولاعشان رباب.
عزوز: ها الإثنين إلا موناوي تعرس.
محمد:بعرس بس مولاقي بنت الحلال.
عزوز: الله الله والله وقمنا نفكر المهم شرايك نروح المول الليلة تدري زهق.
محمد: مومشكلة قول حق ياسر وأحمد وانتهينا.
عزوز: بس إن شاء الله أحمد يرضى يجي معنا.
محمد:وليش مايجي ويانا على راسه ريشه ولاحشيشه.
عزوز: فيه مباراة الليلة.
محمد: هوهو ذا مابيبطل لكن أنا أخليه يروح.
عزوز:شلون ويش بتسوي؟
محمد: بعدين تعرف أنت ألحين قوم.
سكرة جالسة تقلم أظافرها وتقول:أقول يابنات أنا زهقت شرايكم نطلع نروح المول.
ذكرى: ومن بيودينا حمارك الأسود؟
فجر:لاوأنتي الصادقة حمارها الأحمر ههه.
سكرة: ياكثرة هالتكاسي هالأيام كثرانين نركب مع أحد منهم ونروح.
فجر: خلاص مومشكلة نروح.
ذكرى: إلا ذي وينها ملككوه نامت بالحمام.
فجر: هي إذا دخل ماتذكر نفسها تقعد تشغل المويه السخنه وتقعد تبنبع بصوتها الغجري اليانع متفتح لزهرات.
سكرة: الأخت تتكلم عن وردة الجزائرية ماكنها ملكوه آخر مرة سمعتها بنت الجيران جت تقول عندكم بعبع في البيت.
ذكرى: خلكم من هالكلام وروحوا شوفوها.
سكرة: وأنتي مافيك إيد ولارجل ليه ماأنتي تروحي،.
فجر: تدرون كلكم قوموا.
يذهبون ويطرقون الباب ويقولوا: ملكوووووه طلعي خستي بالحمام ملكوووه.
ذكرى: علامها ماترد لايكون صاير فيها شي.
سكرة: ايه والله خلينا نحاول نفتح الباب.
فجر: خلنا كلنا سوا مرة وحدة نحاول .
سكرة: بتحاولي حاولي بروحك اني مومتعبه حالي على سوالف ملكوه.
ذكرى: نفس الكلام يله مشي سكرة نشاهد.
وهم جالستين يشاهدون تصرخ فجر:تعالوا لحقوا ملك.
