من طرف السلام عليكم
أبوسعود ينده ويقول: مناظر .. مناظر.
يخرج محمد ويقول: خير يبا وش تبي من مناظر.
أبوسعود: مناظر .. مناظر.
يخرج عزوز: أوووه أزعجتونا مناظر طلعت.
أبوسعود: طلعت وين راحت.
عزوز: مادري عنها.
يخرج ياسر ويقول: أمر يبا أنا أسوي لك اللي تبيه.
أبوسعود: ماأبغى شي منكم بروح أجيب الشغالة من السيارة أحسن لي.
ويخرج أبوسعود فيقول عزوز: محمد الشغالة حلوة ولا.
محمد: ليه في حد قال لك أني أعرفها.
عزوز: لابس يمكن تدري.
محمد: وأنا وش دراني.
ياسر: أقول بلا مسخرة شوي وتشوفونها.
عزوز: عندي فكرة.
محمد: أتحفنا وقول.
عزوز: خلنا نوقف صف عند الباب نستقبلها.
محمد: مادري يمكن ملكة بتجي هي ترى خادمة .. شغالة.
ياسر: خلنا نتابع خبال عزوز ونشوف.
يذهبون ويقفون صف ينفتح الباب يدخل أبوسعود ويقول: أدخلي أدخلي.
تدخل فيقول أبوسعود: هذي الخادمة أسمها رباب .. تفضلي تفضلي.
تمر أمام محمد وعزوز وياسر وتذهب فيغمى على عزوز ويقول محمد: عزوز وش فيك عزوز.
ياسر: شيله خلنا نوديه غرفته.
ويحملانه ويذهبون به الى غرفته ويتركوه على السرير يقول محمد: روح جيب ماء خلنا نقعده.
محمد يضرب عزوز كفوف خفيفة ويقول: عزوز عزوز وش بلاك اقعد.
يصل ياسر وبيده قارورة ماء ويسكبها على وجه عزوز فيقعد ويقول: بسم الله ويش صاير.
محمد: هذا أحنا نسألك ليش طايح علينا.
عزوز: حلوة تهبل ماقدرت أقاوم جمالها.
محمد: من هي؟
عزوز: شعرها سلاسل ذهب وعيونها آه ياعيونها هذي المفروض كل العالم يخدمونها.
محمد : من هذي؟
عزوز: رباب آه يارباب.
محمد: أي رباب بعد؟
عزوز: الخادمة الخادمة.
ياسر: ههههههههههههههههههههه عزوز يحب خادمة هههههههههه.
عزوز: ويش فيها الخادمة مثلها مثل أي انسانة.
يدخل عليهم أحمد ويقول: الليلة بيجون بيت عمي.
محمد: خلهم يجون حياهم الله.
أحمد: بس أنتوا ماتدرون شنو بيصير الليلة.
عزوز: شنو بيصير يعني.
أحمد: أنا ذاك اليوم بالصدفة ها بالصدفة.
ياسر: ايه بالصدفة شنو صار.
أحمد: سمعت أبوي يقول لسعود أن يبي يزوجه حق بنت عمكم أرواح والليلة بيخطبوها له.
محمد: أحلف مومعقول.
أحمد: والله واذا مو مصدقين شوفوا الليلة.
يدخل طارق ويقول: عزوز قوم ألحق .
عزوز: خير بعد شنو صاير.
طارق: تسبيح ورموز رجعوا.
عزوز: ألحين قايم لهم.
محمد يمسك يد عزوز ويقول: لاتضرب حد ولا تتهاوش مع حد
عزوز: ليه.
محمد: حرام خلهم بس خلهم يردون اغراضك وبس.
عزوز: زين انشاء الله.
أرواح جالسة تضع الماكياج تدخل عليها مقابر وتقول: الله الله ويش هالجمال والحلاة لمن هذا كله.
أرواح: ليه الناس مايتعدلوا لأنفسهم.
مقابر: ام بلا بس عمرك ماسويتيها.
أرواح: يعني تسوين حالك ماتدرين أن الليلة بنروح بيت عمي.
مقابر: اهاا قولي كذا بتشوفين حبيب القلب الليلة.
أرواح: بس عاد وياريت بعد هالحبيب يدري عني.
مقابر: ماتدرين يمكن يفكر فيك.
أرواح: مااعتقد.
مقابر: لااعتقدي كل شي جايز بهـالزمن.
أرواح: أقول روحي عدلي نفسك أحسن لك.
مقابر: هذا اللي بسويه يله سلام.
