من طرف بسم الله الرحمن الرحيم
السلام عليكم ورحمة الله وبركاته
طارق: أحمد الساعة كم عندك.
أحمد: الساعة ست الا ربع.
طارق: يعني باقي ربع ساعة ويقعدون أخواني.
أحمد: ايه.
طارق: تصدق ماجاني نوم طول الوقت أفكر بالليلة.
أحمد: حتى أنا مانمت عدل طول الوقت أتقلب وأفكر.
طارق: يله خلاص العرس الليلة ويخلص التفكير كله.
أحمد: خلني أقوم أروح الحمام قبل لايقعدون وماأقدر أدخل.
طارق: ايه والله أنت أدخل واذا خلصت بدخل بعدك.
أبورعد: ها يابنات متى بتروحون الكوافير.
مقابر: بعد شوي يايبا.
أبورعد: اهاا وأنتم متى بتروحون الحلاق ياأولاد.
علي: الساعة سبع.
أبورعد: على خير.
أخبار: أقول يبا ويش رايك تروح معانا الحلاق.
رعد: ايه والله خوش فكرة.
أبورعد: لاياأولاد أنا وعمكم أبوسعود وعمكم رشيد بنروح قبل الآذان بساعة الحلاق.
برق: ايوه هالأيام متخاويين.
علي: شيء أكيد يابرق موأخوان.
دانياا: أقول خلكم من السوالف وأكلوا الفطور ترى تعبنا فيه.
أرواح: ايه والله تعبنا في الطباخ نبيكم تلحسون الصحون تخلونها نظيفة.
رعد: انشاء الله ولايهمك أنتي تآمرين.
تسبيح: يما قلبي بيوقف بيوقف.
رموز: اسم الله عليك ويش صاير.
تسبيح: الليلة العرس الليلة .
رموز: ايه الليلة ويش مشكلتك .
تسبيح: واي خايفة ماني قادرة.
رموز: لاتخافي ولاشي ويله جهزي نفسك بسرعة عشان نروح الكوافير.
مناظر: محمد قوم صخن سيارتك مانبي نتأخر على الكوافير.
محمد: انشاء الله.
عزوز: ههههه صاير سواق هههه.
سعود: أبشرك أنت اللي بتسوق طول النهار وبتودينا كل مكان.
عزوز: ها بس ما عندي سيارة.
سعود: بتاخذ سيارة وليد وبتودينا بها.
ياسر: ههههه صرتوا دريوليا على آخر العمر.
سعود: ياسر أتأدب وبلا قلة أدب.
ياسر: انشاء الله.
عزوز: سكتوه.
سعود: وبعدين ماأبغي أسمع صوت واحد منكم.
دروب: أقول مناظر ماعندك جلابية قديمة ماتبيها.
مناظر: جلابية ايه عندي بس ليه.
دروب: بعطيها الشغالة رباب عشان تلبسها الليلة في العرس.
مناظر: ايه عندي ألحين أطلعها من الدولاب.
أبوسعود: رموز أسمعي قولي لخواتك يقفلون على ذهبهم وفلوسهم.
رموز: انشاء الله يبا.
أبوسعود: ولا أقولك خلهم يقفلون كل الغرف اللي بالبيت بعد الحرامية اذا دروا البيت فاضي بيشلحوه تشليح.
مناظر: رباب أخذي هذا ملابس.
رباب: ليش ماما وين روهي.
دروب: الليلة في زواج أنا وتسبيح ورموز ومناظر وبابا سعود ووليد وشادي.
رباب: مافي بعد عزوز ومحمد وأحمد وطارق زواج.
دروب: ههه لامافيه.
رباب: جين ماما مشكور كتير بس أنا في سؤال.
دروب: قولي تفضلي.
رباب: أنا عندي حمره من هند عادي حط لنفسي.
دروب: ايه عادي أنتي رايحة عرس.
رباب: زين ماما.
رشيد: ها ألحين بتروحي الكوافير.
راحيل: ايه عمري شوبدك شي قبل ماأروح.
رشيد: لاسلامتك عمري.
راحيل: ازا فقت وصحصحت روح المطبخ فيه فطور كول واتغزى منيح كتير.
رشيد: انشاء الله عمري.
راحيل: يله ريحة باي.
رشيد: بايات.
مقابر وهم في السيارة: أحنا الحين بيتنا بيفضى موبيتكم.
تسبيح: حتى بيتنا خلاص بيفضى.
أرواح: لا على الأقل لسه باقي محمد و عزوز طارق وأحمد وياسر يعني خمسة.
رموز: بس العنصر النسائي بيخلى البيت منه مابيبقى غير رحولة.
دانياا: أقول محمد موناوي تكمل نص دينك مثل أخوانك.
محمد: ان شاء الله الأيام الجاية.
دانياا:ايه اذا بغيت تخطب عندي لك خوش بنت صديقتي وأعرفها وحبوبة.
راحيل: واذا مابدك وحدة من السعودية عندي رفيقاتي من لبنان ومن سوريا وكمان من مصر.
محمد: اذا نويت وخلاص جيت قلت لكم.
أحمد: ها عزوز وصلتهم المطار.
عزوز: ايه وصلتهم.
أحمد: ومتى بيرجعون.
عزوز: تقريبا الساعة خمس المغرب.
أحمد: انشاء الله مايتأخرون.
عزوز: الا وين الباقي.
أحمد: جوا من الحلاق وكل واحد على سريره.
عزوز: ومحمد رجع ولابعده.
أحمد: بعد رجع وراح نام.
عزوز: أجل خلني أنا بعد أروح أنام.
محمد وهو نائم يرن جواله يقعد ويقول: من المتصل ها بعد أوهذي دروب ألو.
دروب: ألو يله تعال ودينا الصالة خلصنا .
محمد: خلصتوا ليه الساعة كم ألحين.
دروب: ألحين الساعة خمس ونصف.
محمد: بل مر الوقت بسرعة يله باي دانا جاي لكم.
أبوسعود: الله ياأولاد صايرين حلوين ووجوهكم موردة.
سعود: من المساج اللي سويناه.
وليد: ويش تروح تجرب الأيام الجاية.
أبوسعود: لا أجرب ولاشي.
شادي: يله بنروح نلبس باقي نصف ساعة ولازم نكون في الحفل.
أبوسعود: ايه والله ذكرتوني يله روحوا وأنا بعد بقوم ألبس.
تسبيح: ياي ياحلاتي بالمكياج وثوب العرس صايرة عروس.
أرواح: هههههههه أجل أنتي وشو .
تسبيح: قصدي جميلة .
أرواح: ايه ألحين فهمتك.
مقابر: أقول عرايس ماوصلت المصورة.
رموز: لاوالله ماوصلت.
دروب: لوا مناظر ماكانت من احدى العرايس كان هي صورتنا.
مناظر: ايه والله بس أني عروس.
مقابر: من اللي عندها رقم المصورة.
دانياا: أنا عندي الرقم.
مقابر: أتصلي عليها وشوفي ليه ماوصلت.
دانياا: زين ألحين بتصل.
أرواح: جوال يرن جوال من؟؟؟
رموز: هذا جوالي بس وينه.
أرواح: ماأدري أنا أسمع صوته بس.
رموز: أوه هذا هو سعود وش يبي.
أرواح: أنتي ردي .
رموز: هلا سعود.
سعود: أهلين يله متى نجي لكم الصالة.
رموز: تو الناس.
سعود: الساعة 11بعد لمتى.
رموز: يعني على الساعة 2.
سعود: بل كل هذا.
رموز: ايه أحنا بعد مادخلنا الصالة لسه.
سعود: زين يله باي.
دروب: أقول وين مرت عمكم.
مناظر: راحت قعدت مع الطقاقات وحدة منهم رفيقتها.
دروب: عشان كده موموجودة معانا.
دانيا: أحس بألم شوي من الثوب صاير كاتم علي وينغز.
مقابر: تلاقيه ضيق عليك بس تحمليه ليله وتعدي.
رشيد وهو بالسيارة يقول: أقول أخواني تعرفون تسوقون سيارة.
أبوسعود: أنا شايب عايب ويش عرفني بالسواقة.
رشيد: وأنت ياأخوي أبورعد.
أبورعد: ايه أعرف.
رشيد: طيب تدل البيت.
أبورعد: أكيد أدل بس ليش.
رشيد: أنا عندي شغل بسويه فأنتوا روحوا البيت وأنا بعدين بخلي واحد من الربع يوصلوني.
أبوسعود: زين.
رشيد: يله وصلت بنزل تعال ياأبورعد سوق.
ينزل ويركب أبورعد ويسوق وبعد مايبتعد يقول: والله ياأخوي أبو سعود من زمان ماسقت.
أبوسعود: أهم شي تعرف تسوق وخلاص.
أبورعد: أنت تدري ياأخوي نظري ضعيف وألحين ليل موقادر أشوف الطريق عدل.
أبوسعود: أهم شي تشوف.
أبورعد: ايه أشوف لالالالالالالالالالالالالالا.
تم الأصطدام بشاحنة وتم العثور على السيارة ومن بداخلها في الصباح
إنا لله وإنا إليه راجعون
أتمنى أن تكون الحلقة الخامسة عشر والأخيرة نالت أعجابكم
والآن أريد منكم آرائكم حول القصة بشكل كامل
وفي مسألة الجزء الثاني بالفعل موجود لدي جزء ثاني للقصة ولكنها قصة غير مكتملة
كتبت منها بعض الحلقات فإذا أردتم قرائتها وأن أضعها لكم أعلموني لكي أكمل الكتابة وأضعها لكم.
