من طرف السلام عليكم
ندخل في الحلقة السابعة على طول
محمد يقعد عزوز من النوم ويقول: عزوز ..عزوز قوم اليوم مدرسة.
عزوز وهونايم: رباب .. رباب.
محمد: أي رباب ألحين قوم مدرسة.
عزوز: مدرسة رباب.
محمد: أعوذ بالله أنت ماينفع وياك الا الماي.
يسكب جيك من الماء على وجه عزوز يقعد عزوز ويقول: ويش صاير.
محمد: سلامات بس اليوم مدرسة.
عزوز: وأنتوا لازم تقعدوني بالماي قعدني طبيعي.
محمد: ليش أنت تقعد طبيعي.
عزوز: ايه أقعد.
محمد: أنا ويش خلاني أقعدك أقوم أروح جامعتي أحسن من مقابل وجهك.
طارق يقول: وين حذائي.
شادي: أنت وين حطيته.
طارق: مادري أنا جيت يوم الأربعاء وخليته ورحت.
شادي: روح أسأل دروب.
يخرج أحمد من المطبخ ويقول: هي هي ويش عليك قاعد لاشغلة ولاعملة.
شادي: أنا كنت مثلكم وألحين خلصت.
يخرج ياسر ويقول: عقبالنا.
أحمد: أقول من اللي بيوصلنا اليوم المدرسة.
شادي: أنا آسف ماأقدر ومحمد راح جامعته.
ياسر: لايكون نروح مشيا على الأقدام.
شادي: وليش ماتروحوا مشيا على الأقدام أمراء مثلا.
أحمد: ماعليك أنا أروح حق أخوي سعود وخليه يوصلنا.
ياسر: أي والله بدل مانطر من عندك ياشاديوه.
عزوز يطق الباب على غرفة أخواته ويدخل ويقول: دروب في مسلسل في MBCيجيبونه سجليه لي.
مناظر: أي مسلسل بعد.
عزوز: أنتي أسمك دروب .
مناظر: لا.
عزوز: خلاص أنا قلت لدروب مولك.
دروب: زين بسجله لك أقول عزوز رموز وتسبيح قعدوا من النوم ولا لسه.
عزوز: أووه قعدوا وراحوا المدرسة بعد.
مناظر: ايه عشان اذا قالوا البنات يذاكرون ومجدين مايصدقوني.
أرواح تقول الى دانياا: تدرين ويش أحسن شي في بيتنا.
دانياا: شنو.
أرواح كلنا مخلصين من الدراسة.
دانياا: أقول خلك من الكذب.
أرواح: أي كذب.
دانياا: نسيتي أخوك برق.
أرواح: أي والله هوه الوحيد اللي يدرس وبعد في كندا.
دانياا: أي والله متى بيرجع.
أرواح: باقي أسبوع.
دانياا: يس عدل بيجي.
أرواح: عندي لك بعد خبر ثاني حلو.
دانياا: شوقتيني يله قولي.
أرواح: أخوي أخبار بكرة بيرجع.
دانياا: قولي والله يس ويش رايك نسوي حفلة.
أرواح: مايحتاج.
دانياا: ليه مايحتاج.
أرواح : حفلة عرسي.
دانياا: حفلة عرسك ليش أنتي انخطبتي.
أرواح: ايه على ولد عمك سعود.
دانياا: يس ثلاثة أخبار كل خبر أحلى من الثاني والله عدل.
تسبيح تقول الى رموز: ويش رايك نتصل على بيت عمي.
رموز: ليه نتصل عليهم.
تسبيح: نسأل أرواح وافقت على أخونا ولا.
رموز: أي يله.
تسبيح ترفع السماعة وتتصل على الرقم********* وتقول: هلا مقابر شلونكم.
مقابر: بخير وشخباركم زينين تمام.
تسبيح: ايه تمام وحشتونا .
مقابر: تونا من أربعة أيام عندكم.
تسبيح: أي المهم أبغي أكلم أرواح.
مقابر: أيه بتصير مرت أخوكم ماتبغوني.
تسبيح: هههه أعطيني اياها.
مقابر: لحظة ... أرواح.
أرواح: هلا ويش تبغي.
مقابر: حماتك على التلفون.
تأتي وتاخذ السماعة .
سعود جالس في غرفته مع وليد يقول وليد: أنا أبغي أتزوج بعد ويش رايك.
سعود: هذي الساعة المباركة.
وليد: بس مو عارف شلون أفاتح أبوي في الموضوع.
سعود: أنا أقعد مع أبوي وأنت معانا ونقول له بس خلها بعدين.
وليد: ليش.
سعود: خلها بعد عرسي.
وليد: أوكي.
سعود: بس ماقلت لي من هي.
وليد: بنت عمك دانياا.
سعود: دانياا ليش ماتأخذ مقابر أكبر من دانياا.
وليد: لا كفاية أسمها مقابر يجيب الشؤم.
سعود: حرام عليك.
وليد: والله.
تدخل عليهم رموز وتسبيح رموز تقول: كلووووووش.
تسبيح: أويها وأخيرا بيصير فرح في البيت أويها وبنفتك من سعود أويها والفرح بيصير عند الكل كلوووووووووش.
سعود: خير ويش فيكم.
رموز: مبروك ياأخوي أرواح وافقت.
