من طرف بسم الله الرحمن الرحيم
السلام عليكم ورحمة الله وبركاته
ياسر يقول الى محمد وهم في السيارة: قلت لأبوي أن عمي بالمطار.
محمد: أووووه نسيت.
ياسر: أتصل عليه وقوله لايزعل.
محمد: انشاء الله .
يضع يده في جيبه ويقول: أوووه من السرعة نسيت جوالي.
أحمد: خلاص أنا أتصل عليه.
عزوز ينده: ياسر .. ياسر.. وين راحوا ذولي محمد.. محمد.. أوه وينهم أحمد.
وليد: خير ويش فيك تنادي.
عزوز: لاماشي بس قعدت من النوم ماشفت حد.
وليد: راحوا يجيبوا عمك من المطار.
عزوز: ليه عمي مسافر.
وليد: مو عمك أبورعد لا عمك رشيد.
عزوز: اهاا بيجي بيسكن معانا يعني.
وليد: يمكن مادري بس أتوقع ايه.
عزوز: لكن خلهم يجون بوريهم يروحون ويخلوني.
تسبيح تقول الى رموز: سمعتي ألبوم أليسا الجديد.
رموز: أيامي بيك.
تسبيح: ايه.
رموز: مو حلو أحلى مافيه أيامي بيك.
تسبيح: ايه.
رموز: بلا هالخرابيط خلنا في المهم.
تسبيح: ويش هو المهم.
رموز: متى بنتزوج ومتى نتسوق.
تسبيح: أنا سمعت أن مابيملكون الا ليلة العرس عشان كل شي مرة وحدة .
رموز: طيب متى موعد العرس.
تسبيح: أتفقوا في الإجازة هذي وماباقي عليها الا شهر.
رموز: بل يعني بنطول عشان ناخذ الفساتين.
تسبيح: لا بناخذهم بعد يومين ثلاثة عشان من الآن ناخذهم مو في الوقت الضايع.
محمد يقول الى أحمد وهم في المطار: تذكر شكل عمي رشيد لأني موذكرانه عدل.
أحمد: ايه أكيد أذكره.
ياسر: حتى أنا أذكره .
محمد: خلاص أول ماتشوفوه قولوا لي.
ياسر: شوفوا هناك مو كأنه ذاك.
محمد: أي واحد.
أحمد: اللي جنبه وحده متحجبة.
محمد: بس عمك مو متزوج.
ياسر: يمكن تزوج وأحنا ماندري.
أحمد: بس قرب منا يعني هو.
محمد وياسر وأحمد : هلا عمي ويقبلونه ويحملون الشنط ويذهبون.
سعود يقول الى والده: يبا عمي رشيد بيقعد عندنا.
أبوسعود: الله أعلم هو لاكلمني ومادري عن أي شيء.
سعود: واذا كان بيقعد معانا وين بيقعد.
أبوسعود: يقعد في السرداب.
سعود: بس السرداب وسخ محد سكنه ولافتحه من سنين.
أبوسعود: نخلي الخادمة تنظفه.
سعود: عشان ينظف يبيله سنة.
أبوسعود: لحد ماينظف أشوف له أحدى الغرف واللي فيها ينامون مع أخوانهم.
سعود: وليش مو عمي هو اللي ينام مع أخواني.
أبوسعود: عيب علينا نسوي كذا.
محمد: أقول عمي عرفنا على اللي معاك.
رشيد: هذي زوجتي راحيل.
راحيل: هاي شو أخباركن.
أحمد: أقول عمي كلامها كنها مو سعودية.
راحيل: كلمني برد عليك أنا من لبنان من بيروت.
رشيد: كنت عايش هناك وتعرفت عليها وتزوجنا وقررنا نرجع السعودية.
ياسر: عمي بتسكنون معانا في البيت.
رشيد: هذا مبدئيا لحد ماألقى لي شغل .
محمد: ههههه يعني قاعد عندنا على طول.
رشيد: ليه تقول كذا.
محمد: مافي شغل هالأيام.
أرواح: يبا.. يبا .
أخبار: أبوي في غرفته.
أرواح: زين رايحة له.
أخبار: ماقلتي لي ويش تبغين منه.
أرواح: عمي رشيد وصل بيت عمي.
أخبار: اهاا بس وش تبين من أبوي مافهمت.
أرواح: أبغي أقوله أنهم جاء عشان نروح له بيت عمي.
برق: قولي كده من البداية تبغين تروحين تشوفين حبيب القلب.
أرواح: أووه أنتوا دايما كده اقول خلني أروح أقول لأبوي أحسن لي.
عدل سابقا من قبل DEL PIERO في الأحد ديسمبر 19, 2010 4:33 am عدل 1 مرات
